DIE
GEKOSE VOLK
As
iemand jou vra wat die goeie nuus
of evangelie boodskap was wat
Yahshua die Messias 2000 jaar
gelede na die aarde gebring het,
wat sou jou antwoord wees? Meeste
mense wat aan die vervanging
teologie glo is van mening dat
Yahweh eerste besig was met die
Jode totdat hulle Sy Seun, Yahshua
verwerp het en dat Hy nou werksaam
is onder die heidene of Nasies (in
Hebreeus beteken "goyim" nasie).
Die vervanging teologie is ver van
die waarheid verwyder. In die boek
word dit bewys dat Yahweh, Abraham
en sy nageslag gekies het om Sy
ewige verbond mee te sluit, as
gevolg van Abraham se
gehoorsaamheid en geloof in
Yahweh, daarom selfs 3800 honderd
jaar later werk Yahweh nogsteeds
met dieselfde saad van Abraham:
Die 12 stamme van Israel.
Die boek neem die leser terug na
die oorspronklike bloed verbond
met Abraham. Die Diaspora van
Israel en Juda word bespreek en
daar word gefokus op die bevele
wat Yahshua aan Sy dissipels gegee
het. Die leser sal besef dat die
verbond asook Yahshua se bevele
vandag nog van toepassing is. Die
meeste mense is onbewus van die
Hemelse Vader se Meesterlike plan
van Verlossing. Die rede hiervoor
is dat teologiese leiers nie hul
Bybels korrek lees of interpreteer
nie en ook nie die ware historiese
rekords van ons voorvaders in ag
neem nie. Hulle herhaal net die
tradisionele teologiese geloofs
belydenis wat nie deur die
geskiedenis ondersteun word nie.
Volgens die Bybel is Yahweh die
Elohim van Israel.
Amos 3:2 Julle alleen het Ek geken
uit al die geslagte van die aarde;
dáárom sal Ek by julle besoeking
doen oor al julle ongeregtighede.
Yahweh het 'n verbond met Abraham
en sy nageslag gesluit om te
verseker dat Yahshua die Messias
vanuit 'n suiwer en regverdige lyn
gebore sou word. As gevolg van
ongehoorsaamheid het Yahweh die
nasie van Israel in ballingskap
laat neem, maar met die belofte
dat Hy hulle weer na die land van
Israel sou vergader net voor en
gedurende die Messiaanse era. Die
boek vertel die wonderlike verhaal
van die ewige verbond en die
vervulling van die belofte dat die
Messias 12 stamme van Israel na
hul land sal terugneem.
Amos 9:14 En Ek sal die lot van my
volk Israel verander, en hulle sal
die verwoeste stede bou en bewoon,
ook sal hulle wingerde plant en
die wyn daarvan drink, en tuine
aanlê en die vrugte daarvan eet.
Amos 9:15 En Ek sal hulle plant in
hul land, en hulle sal nie meer
uitgeruk word uit hul land wat Ek
hulle gegee het nie, sê Yahweh jou
Elohim. Ese 37:19
sê dan vir hulle: So spreek Adonai
Yahweh: Kyk, Ek sal die stuk hout
van Josef neem, wat in die hand
van Efraim is, en die stamme van
Israel, sy bondgenote, en Ek sal
hulle by hom voeg, by die stuk van
Juda, en hulle een stuk hout maak;
en hulle sal een word in my hand.
Ese 37:21
en sê vir hulle: So spreek Adonai
Yahweh: Kyk, Ek gaan die kinders
van Israel haal tussen die nasies
uit waarheen hulle getrek het, en
Ek sal hulle van alle kante
bymekaar laat kom en hulle bring
in hul land. Ese 37:22
En Ek sal hulle een volk maak in
die land, op die berge van Israel;
en een Koning sal vir hulle almal
koning wees; en hulle sal nie meer
twee nasies wees nie en verder nie
meer in twee koninkryke verdeeld
wees nie.
DIE GROOT AFVALLIGHEID
Die
boek, "Die Groot Afvalligheid"
is gratis beskikbaar op die
webtuiste en dokumenteer die
geskiedenis van die eerste
gemeente, gestig deur Yahshua en
hoe dit stelselmatig oor 'n
tydperk van 300 jaar verander was
tot en met die kruin van
veranderinge wat plaasgevind het
ten einde die heersing van
Konstantyn die Grootte, 325 AD.
Almal wat hulself as ware
gelowiges beskou moet met
eerlikheid die vraag beantwoord:
“Wie volg ek?” Die geloof ingestel
deur Yahshua ons Verlosser in 30
AD, of die geloofsinstellings van
Konstantyn in 325 AD. Die verskil
is drasties. Die een, 'n Hebreeuse
Gemeente met 'n Hebreeuse
Verlosser wat die Torah
gehoorsaam. Die ander, 'n
vervalsde, wettelose kerk geseël
met mensgemaakte verordeninge
ingestel deur Konstantyn.
Indien u belangstel om die boeke
"Die Groot Afvalligheid" of "Die
Gekose Volk" te besit kan dit
skriftelik aangevra word by die
onderstaande adres.
Congregation of YHWH
PO Box 832
Carteret, NJ 07008
|
